Realskule på Lindås



Andre året flytte eg til Lindås for å gå på realskulen der. Det vart sett opp skulerute mellom Leiknes og  xx, og dermed kunne me bu heime. Eit stort framskritt , tykte me, der me gjekk ein halv time for å nå drosjen som gjekk 7 frå  Blindtarmen, og  snodde seg gjennom Hjelmås, Fyllingen, Vaet og fram til xx, der me fylgde vanleg skulerute resten.  Me var 6-7 stykke, og hadde ein fin tur . Men det tok lang tid på vinteren, så det var vel det året eg hadde mest fråvær på grunn av lang skuleveg og tidleg opp.
Me hadde vanlege fag, som matte, norsk , tysk og engelsk. Eg hugsar ikkje så mykje frå timane, så dei gjekk sin vante gang, reknar eg med.
 Eg kom opp i tysk munnleg, og hugsar at etter eg hadde lese og omsett stykket, så skulle vi prate. Eg sette i gang med ein hovudsetning og undersetning, og som kjent er det skifte av verbplasseringa i undersetninga, så hadde dermed prova at tyskkunskapane var på topp. «Takk,» sa sensor, og det var det.
Rektor hadde instruert klassa førre år i  eit av Holberg sine stykke, og det var det framsyning i på hausten. Ei stor happening, der me reiste frå Leiknes for å vere med på, og overnatta hjå medelevar. Eg trur ikkje eg hadde fått tildelt noka rolle, sidan eg starta så seint, men hjelpte til med påkledning og scene.
Det var ein del resonnerande oppgåver også dette året. Ein av medelevane fann eit stykke i Det Beste som han meinte høvde til oppgåva. Han omsette det til nynorsk og leverte inn. Syslak las også Det  Beste, så han kjende att innhaldet, men eleven fekk T- fordi det var ei god omsetjing.
Vi var russ, grønruss, og reiste rundt og vekte lærarane, lagde plakatar, og gav dei gåver ut frå ting dei hadde sagt som vi beit oss merke i. Holmås fekk hardkokte egg fordi han stadig snakka om hardkokte speilegg.  Vi var til frukost i prestegarden, fordi ein av kullingane var son til presten. Hugsar eg vart så imponert over dei store stovene der.


Kommentarer

Legg inn en kommentar

Populære innlegg fra denne bloggen

På gamle stigar- i Husdalen.

Bilde
Då Sigmund Husdal kom inn i livet til mor i 1961, og eg og syskena mine samstundes fekk ny stefar, så hende det mykje nytt. Eg overnatta i år i Husdalen for fyrste gong på mange år, og då kom tankane om korleis det var då me starta å reise dit. Husdalen er ein avsidesliggjande gard ein times gange frå Bjørsvik. Du reiste dit, anten med rutebåten eller vart køyrt,  og gjekk så ei ganske bratt stigning opp til Husdalsvatnet, der du anten kunne ro over, eller gå den bratte og til dels glatte stigen opp til Grautevika, der det var kjerreveg resten av vegen. Me ungane lærde snart snarvegane, der du kunne korta inn turen med opptil 10 minuttar. Det du måtte ha med deg, bar du på ryggen og i hendene, så vi måtte ha eit par kvilepausar uansett. Vel oppkomen var det tre hus, der bestemor og bestefar budde i det eine,  Ivar og Olaug budde i det andre saman med ungane sine, og Sigmund hadde kjøpt det nedste huset, og hadde det som ei familiehytte, der også søskena hans kunne vera på vi
Les mer

Fløksand husmorskule

Bilde
Litt frå 60-talet.  Då eg var ferdig med gymnaset i -64, meinte mor at eg måtte kunna koka poteter. Det kunne eg, men forat utdanninga mi skulle vera perfekt, så måtte eg ha eit halvår på husmorskule. Denne skulen var og god å ha både om ein skulle søkje sykepleie eller bli hustellærar. Så eg søkte opptak ved Fløksand husmorskule våren 1965, og kom inn. Skulen var då vel etablert, opna 1909, og nyrestaurert i 1954. Mange kjende personlegheiter har gått her, og eg lærde seinare at Ingrid Espelid Hovig var elev her i 1943, då det ikkje var elektrisitet, og alt måtte kokast på ved og kol i kjellaren. Ho kom tilbake som lærar i 1954, til ein  skule som var i topp stand .  ( Ingrid Espelid Hovig og Olga Leiknes Hopsdal møtes etter 61 år. Dei var kullingar i 1943) Vi fekk ei liste så langt som eit vondt år med alt ein skulle ha med, så mor var engasjert i vekesvis med å sy. Det var sengetøy og håndklær, arbeidsklede, forkle, hette, høvelege sko, og mykje meir som eg ikkje hugsa. Al
Les mer

Hermetisering av middag og frukt, og søndagsdessertar

Bilde
. I dag har vi fryseboksar, og vi kjøper ferskt det meste av året. Vi har det lettvint, og gløymer at for eit par generasjonar sidan var matlaging og husstell  fulltids- jobb. Eg hugsar at mor hermetiserte kjøttkaker med brun saus  og kottelettar. Det var same omstendelege prossessen, med vasking og sterilisering av Norgesglas, koking og steiking av kjøtet som skulle hermetiserast.  Det vart lagt koheit på glasa, og fyllt heilt fullt, og så vart lokket skrudd på. Glasa vart sett i kjellaren, og teke opp til sundagsmiddag  ut over hausten og vinteren. Det kunne vera ein sjangse at maten vart bederva, så ein måtte lukte på, før ein varma det opp. Ellers hermetiserte mor frukt kvar haust. Også der var det vasking og sterilisering av glas, som var oppevart i varm steikeomn til ein skulle bruka dei. Pærer vart skrella og koka i sukkerlake til dei vart møre, og lagt på glas. Ein hella den kokande sukkerlaken over, så glaset vart heilt fullt, og la glaslokket med gummiring på, og skr
Les mer