Utmark 1
Utmarkje var eit omgrep i barndommen min. Alle gardar hadde utmarker,
der det vaks tre som kunne fellast til tømmer og ikkje minst brukast til ved.
Det var mykje older, men og anna lauv og treskog.
Dyra gjekk på beite i utmarka,
både kyr og hest, og sau om våren og hausten. Dessutan gjekk det snarvegar gjennom utmarka,
frå det eine bygdelaget til det andre, stigar og kjerrevegar som gjorde det lettare å omgås kvarandre. I utmarka vaks
det bær, særleg blåbær og tytebær, og der sjølvefolket ikkje plukka, var det
fritt fram. Ikkje så mykje etter
austnorske forhold, så ei to- tre liter vart rekna som god fangst. Eit av dei
gode minna frå barndommen min er da mor
tok seg fri frå sying og småborn og plukka blåbær, og eg som eldstejenta var
med. Det var uvant og godt å ha mor for seg sjølv, og ho hadde tid til meg, og fortalde
om korleis ho hadde vanka i marka som barn, om blåbærstader og stiar ho fylgde
den gongen. Me var heilt ute til leet ved Træet, og kunne sjå utover den vesle
Leiknesjorda, ein stad ikkje olderen hadde vokse seg for stor.
Gjennom utmarka gjekk eg når eg skulle besøkje
besteveninna mi, ho Oddveig. Det var ein skummel passasje gjennom granskog litt
større enn meg sjølv, og eg måtte klatre over eit par gjerde, gå over
gardsplassen til eit hus, men dei hadde ikkje anna enn høner og katt, så det
var ikkje så farleg. Deretter kom eg ut på beite til dei på Tångjen,, og det skumle der var at det var kyr. Dei
unne komme deg i møte og både snuse og sleikje. Som regel sonderte eg
terrenget, og sprang over rindane eller bakom haugen om det var fare på ferd
Kommentarer
Legg inn en kommentar